Potentilla sericea, spec. nov.

3. Potentilla foliis bipinnatis utrinque tomentosis: segmentis parallelis approximatis, caulibus decumbentibus.

Potentilla foliis duplicato-pinnatis: pinnulis linearibus integerrimis brevibus. Gmel. mss.

Habitat in Sibiria. ♃

Habitus foliorum P. anserinae argenteae, quamvis minima sunt; caulis vero & fructificationes P. vernae. Radix squamis foliorum ruderibus nigris vestita. Folia pinnata ex 13 circiter foliolis ovatis, tomentosis, sericeis, pectinato-pinnatifidis, & parallelis. Pedunculi pilosi. Caules foliis duplo s. triplo longiores, decumbentes absque sarmentis, nec repentes, in medio folio unico minori magisque divaricato instructi, teretes, apice Floribus aliquot luteis, alternis, pedunculatis.