Panicum latifolium, spec. nov.

17. Panicum panicula racemis lateralibus simplicibus, foliis ovato-lanceolatis collo pilosis.

Gramen virginianum, lato brevique folio, panicula rariore. Moris. hist.3. p.196. s.8. t.5. f.4.

Gramen miliaceum sylvaticum maximum, semine albo. Sloan. jam. 34. hist.1. p.114. t.71. f.3.

Habitat in America.

Folia latitudine Commelinae, ad fauces amplexicaulia; extus collo circum fauces villoso, etiam basi foliorum margine pilosa. Panicula valde mediocris ex racemis lateralibus, non subdivisis, sed pedicellos proprios, nec subdivisos proferentes. Flores mutici, majusculi.