Caucalis daucoides, spec. nov.

2. Caucalis involucro universali longitudine umbellae lanceolato.

Caucalis dauci sylvestris folio, echinato magno fructu. Magn. monsp. 292.

Habitat Monspelii D. Sauvages.

Folia supradecomposita Dauci vulgaris. Involucrum universale pentaphyllum: foliolis lanceolatis, longitudine totius umbellae, acuminatis. Involucra partialia lato-lanceolata, lateribus membranacea, acuta. Flosculi copiosi albi: hermaphroditi 3 in radio; flosculis disci, f.masculis parvis, aequalibus; radii flosculis petalis maximis bipartitis albis. In praecedente involucrum umbella dimidio brevius & radii petala rotundiora.